កិច្ចប្រជុំបានរៀបចំឡើងបន្តបន្ទាប់ តាមពេលវេលាដែលបានកំណត់។ កិច្ចប្រជុំទី១ចាប់ផ្តើមនៅម៉ោង៨:៣០នាទីព្រឹក ដោយបានជួបពិភក្សាជាមួយរដ្ឋបាលខេត្តសៀមរាប និងដោយមានការចូលរួមពី ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប តំណាងរដ្ឋបាលក្រុង ស្រុក និងមន្ទីរជំនាញពាក់ព័ន្ធចំណុះរដ្ឋបាលខេត្ត និងបញ្ចប់នៅម៉ោង១០:០០នាទីព្រឹក។

កិច្ចប្រជុំទី២ចាប់ផ្តើមនៅម៉ោង១០:០០នាទីព្រឹក ជាមួយរដ្ឋបាលខេត្តកំពង់ស្ពឺ ដោយមានការចូលរួមពី ឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺ តំណាងរដ្ឋបាលក្រុង ស្រុកនៃរដ្ឋបាលខេត្តកំពង់ស្ពឺ និងមន្ទីរជំនាញពាក់ព័ន្ធចំណុះរដ្ឋបាលខេត្ត និងបញ្ចប់នៅម៉ោង១១:៣០នាទីព្រឹកថ្ងៃដដែល។

កិច្ចប្រជុំនេះរៀបចំឡើងដើម្បីពិភាក្សាជាមួយរដ្ឋបាលខេត្ត មន្ទីរ និងស្ថាប័នពាក់ពន្ធក្នុងការកំណត់ទីតាំងសម្រាប់រៀបចំទីលានចាក់សំរាមរបស់ខេត្តនីមួយៗ។ សូមបញ្ជាក់ថា ធនាគារពិភពលោកនឹងផ្តល់ឥណទានសម្បទានដល់រាជរដ្ឋាភិបាលកម្ពុជាដើម្បីគាំទ្រដល់ការអនុវត្តគម្រោងខាងលើនេះ ទៅក្រុង ស្រុកគោលដៅនៃខេត្តមួយចំនួនក្នុងប្រទេសកម្ពុជា។