សមាសភាពដែលបានអញ្ជើញចូលរួមក្នុងកិច្ចប្រជុំពិគ្រោះយោបល់នេះរួមមាន: តំណាងរដ្ឋបាលខេត្តសៀមរាប រដ្ឋបាលក្រុងសៀមរាប រដ្ឋបាលស្រុកប្រាសាទបាគង មន្ទីរសាធារណការ និងដឹកជញ្ជូន មន្ទីរបរិស្ថាន មន្ទីរសុខាភិបាល មេឃុំត្រពាំងធំ មេឃុំកណ្ដែក ប្រធានភូមិទាំង៦ មកពីឃុំត្រពាំងធំ ប្រធានភូមិត្រពាំងទឹម និងប្រជាពលរដ្ឋតំណាងសហគមន៍រស់នៅក្បែរអាងប្រព្រឹត្តកម្មទឹកកខ្វក់ (WWPT) សរុបប្រមាណ ២២រូប។

កិច្ចប្រជុំពិគ្រោះយោបល់នេះ មានគោលបំណងស្វែងយល់ និង
សិក្សាប្រមូលធាតុចូលបន្ថែម សម្រាប់រៀបចំទីលានចាក់សំរាមស្តង់ដារដើម្បីឱ្យស្របតាមគោលការណ៍នៃគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិក។ ជាលទ្ធផល ក្រុមការងារបានប្រមូលនូវព័ត៌មានអំពីស្ថានភាពទូទៅ តម្រូវការ និងបញ្ហាប្រឈមនានា ដែលកើតមានឡើងនៅក្នុងតំបន់ដែលគ្រោងនឹងសិក្សារៀបចំជាទីលានចាក់សំរាមស្តង់ដារ ដើម្បីមានមូលដ្ឋានក្នុងការសិក្សាបន្ត និងវាយតម្លៃអំពីហេតុប៉ះពាល់នៃការអនុវត្តគម្រោង នៅពេលគម្រោងចាប់ផ្តើមអនុវត្ត។