ព័ត៌មានលម្អិត
កិច្ចប្រជុំពិគ្រោះយោបល់អំពីនីតិវិធីនៃការទទួល និងការសម្រុះសម្រួលដោះស្រាយបណ្តឹងនៅរដ្ឋបាលថ្នាក់ក្រោមជាតិ
ថ្ងៃចេញផ្សាយ: January 4, 2018
ប្រភព: OWSO
ខេត្តកែប៖ នាព្រឹកថ្ងៃទី១៩ ខែធ្នូ ឆ្នាំ២០១៧ នាយកដ្ឋានមុខងារ និងធនធាន សហការជាមួយអង្គការខុនរ៉ាត់អាឌិនណៅអ៊ែរ បានរៀបចំកិច្ចប្រជុំពិគ្រោះយោបល់អំពីនីតិវិធីនៃការទទួល និងការសម្រុះសម្រួលដោះស្រាយបណ្តឹងនៅរដ្ឋបាលថ្នាក់ក្រោមជាតិនៅសណ្ឋាគារ Rock Royal Hotel and Resort ក្រុងកែប ខេត្តកែប។
កិច្ចប្រជុំនេះមានការចួលរួមដោយលោក បួន ហេង ប្រធាននាយកដ្ឋានមុខងារ និងធនធាន និងតំណាងអង្គការខុនរ៉ាត់អាឌិនណៅអ៊ែរ ក្រុមការងារគណនេយ្យភាពខេត្ត និងមន្ត្រីទីចាត់ការហិរញ្ញវត្ថុខេត្តដែលអញ្ជើញមកពីខេត្តចំនួន៥គឺ ខេត្តកំពត ខេត្តកែប ខេត្តព្រះសីហនុ ខេត្តកោះកុង និងខេត្តតាកែវ រួមទាំងប្រធានការិយាល័យប្រជាពលរដ្ឋ និងប្រធានការិយាល័យរដ្ឋបាល និងហិរញ្ញវត្ថុនៃក្រុងកំពត ក្រុងកែប ក្រុងព្រះសីហនុ ក្រុងខេមរភូមិន្ទ និក្រុងដូនកែវ។
កិច្ចប្រជុំនេះត្រូវបានរៀបចំឡើងក្នុងគោលបំណងដើម្បីស្វែងយល់អំពីបទពិសោធន៍ និបញ្ហាប្រឈមនានានៃការទទួល និងការសម្រុះសម្រួលដោះស្រាយបណ្តឹងនៅរដ្ឋបាលថ្នាក់ក្រោមជាតិ សម្រាប់ធ្វើជាមួលដ្ឋានក្នុងការរៀបចំសៀវភៅណែនាំស្តីពីនីតិវិធីនៃការទទួល និងការសម្រុះសម្រួលដោះស្រាយបណ្តឹងរបស់ការិយាល័យប្រជាពលរដ្ឋ រាជធានី ខេត្ត និងក្រុង ស្រុក ខណ្ឌ។
ព័ត៌មានថ្មីៗ
