News Detail
កិច្ចប្រជុំបូកសរុបលទ្ធផលបេសកកម្មលើកទី៤របស់ធនាគារពិភពលោកគាំទ្រគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិកនៅប្រទេសកម្ពុជា (SWM Project)
Published Date: June 13, 2025
Resource: OWSO
ទីស្តីការក្រសួងមហាផ្ទៃ៖ នារសៀលថ្ងៃទី១២ ខែមិថុនា ឆ្នាំ២០២៥ លោក អុឹង កែវរតនៈ ប្រធាននាយកដ្ឋានមុខងារ និងធនធាន និងជាអនុប្រធានគ្រប់គ្រងគម្រោង នៃអង្គភាពគ្រប់គ្រងគម្រោង ក្រសួងមហាផ្ទៃ បានចូលរួមកិច្ចប្រជុំបូកសរុបលទ្ធផលនៃការចុះបេសកកម្មលើកទី៤របស់ក្រុមការងារធនាគារពិភពលោក ក្រោមអធិបតីភាពឯកឧត្តម បួន ហេង អគ្គនាយករង នៃអគ្គនាយកដ្ឋានរដ្ឋបាល និងជាប្រធានគ្រប់គ្រងគម្រោង ដោយមានការអញ្ជើញចូលរួមពីក្រុមការងារបច្ចេកទេសធនាគារពិភពលោក រួមទាំងតំណាងក្រសួងសេដ្ឋកិច្ចនិងហិរញវត្ថុ ក្រសួងសាធារណការ និងដឹកជញ្ជូន ក្រសួងបរិស្ថាន និងអ្នកពាក់ព័ន្ធសរុបប្រមាណ ២៥រូប។
កិច្ចប្រជុំនេះមានគោលបំណងពិនិត្យលទ្ធផលបេសកកម្ម និងពិភាក្សាកំណត់ទិសដៅបន្តសម្រាប់ការអនុវត្តសកម្មភាពចម្បងៗនៃគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ប្លាស្ទិកនៅប្រទេសកម្ពុជា ។
