គណៈអធិបតី និងសមាសភាពចូលរួមក្នុងកិច្ចប្រជុំនេះរួមមាន:
-ឯកឧត្តម ហេង ណារ៉េត អនុរដ្ឋលេខាធិការក្រសួងបរិស្ថាន
-ឯកឧត្តម ឈិន សេងងួន អភិបាលរងខេត្តព្រះសីហនុ
-លោក បួន ហេង ប្រធាននាយកដ្ឋានមុខងារ និងធនធាន
-ថ្នាក់ដឹកនាំ និងមន្រ្ដីបច្ចេកទេសរបស់ក្រសួងមហាផ្ទៃ ក្រសួងបរិស្ថាន និងក្រសួងសេដ្ឋកិច្ច និងហិរញ្ញវត្ថុ សរុបប្រមាណ ៣០រូប។

គោលបំណងនៃកិច្ចប្រជុំនេះបានផ្ដោតសំខាន់លើការពិភាក្សាកំណត់ និងកែសម្រួលកម្រៃសេវារដ្ឋបាលសំរាម សំណល់រឹងទីប្រជុំជន ដែលរដ្ឋបាលក្រុងព្រះសីហនុបានស្នើ
សុំកែសម្រួលលើកម្រៃសេវានៅទីតាំងមួយចំនួនមានតម្លៃលើសពីការកំណត់នៅក្នុងប្រកាសអន្តរក្រសួង និងតម្លៃសេវាទីតាំងមួុយចំនួនទៀតមិនមាននៅក្នុងប្រកាសអន្តរក្រសួង ដើម្បីឲ្យស្របតាមការកំណត់នៅក្នុងប្រការ៧ ជំពូក២ នៃប្រកាសអន្តរក្រសួងលេខ១៩៥ ប្រក ប.ស្ថ ចុះថ្ងៃទី០៦ ខែមិថុនា ឆ្នាំ២០១៨ ស្ដីពីការកំណត់កម្រៃអតិបរមានៃសេវាគ្រប់គ្រងសំរាម សំណល់រឹងទីប្រជុំជន។