កិច្ចប្រជុំរយៈពេល១ថ្ងៃនេះ រៀបចំឡើងដោយនាយកដ្ឋានមុខងារ និងធនធាននៃអគ្គនាយកដ្ឋានរដ្ឋបាលដើម្បីពិនិត្យលទ្ធផលការងារ និងពិសេសដើម្បីដោះស្រាយបញ្ហាប្រឈមដែលបានកើតឡើងអោយទាន់ពេលវេលា សំដៅលើកកម្ពស់គុណភាព ប្រសិទ្ធភាព តម្លាភាព និងគណនេយ្យភាពនៃការផ្តល់សេវារដ្ឋបាលតាមអង្គភាពច្រកចេញចូលតែមួយឱ្យបានល្អប្រសើរ។

កិច្ចពិធីបើកកិច្ចប្រជុំ សមាជិកសមាជិកានៃកិច្ចប្រជុំទាំងមូលបានស្តាប់នូវប្រសាសន៍ដ៏ខ្ពង់ខ្ពស់របស់ឯកឧត្តម ប្រាក់ សំអឿន អគ្គនាយកនៃអគ្គនាយកដ្ឋានរដ្ឋបាលក្រសួងមហាផ្ទៃ។ បន្ទាប់មកក៏មានការបង្ហាញពីលទ្ធផលការងារប្រចាំឆមាសទី១ដោយលោក អុឹង កែវរតនៈ អនុប្រធាននាយកដ្ឋាន ព្រមទាំងបទបង្ហាញអំពីលទ្ធផល និងបទពិសោធន៍នៃការអនុវត្តការងារផ្តល់សេវារបស់អង្គភាពច្រកចេញចូលតែមួយរាជធានីភ្នំពេញ និងខេត្តបាត់ដំបង។

កិច្ចប្រជុំក៏បានលើកឡើងនូវបញ្ហាប្រឈមសំខាន់ៗនៅក្នុងការអនុវត្តការងារផ្តល់សេវា និងបានពិភាក្សាយ៉ាងផុសផុលលើប្រធានបទចំនួន០៣គឺ
១. ការចាប់ផ្តើមផ្តល់សេវាតាមប្រព័ន្ធអនឡាញ
២. បញ្ហាប្រឈមនៃការផ្តល់សេវាក្នុងវិស័យសាធារណការ និងដឹកជញ្ជូន
៣. បញ្ហាប្រឈមនៃការផ្តល់សេវាក្នុងវិស័យរៀបចំដែនដី និងសំណង់
ចុងក្រោយ កិច្ចប្រជុំក៏បានផ្តល់ឪកាសដល់សមាជិកសមាជីកាដែលជាប្រធានអង្គភាពច្រកចេញចូលតែមួយរាជធានី ខេត្តទាំង២៥រាជធានី បានពិភាក្សាបញ្ហាប្រឈម និងដំណោះស្រាយនានា ដែលដឹកនាំកិច្ចពិភាក្សាដោយលោក បួន ហេង ប្រធាននាយកដ្ឋានមុខងារ និងធនធាន នៃអគ្គនាយកដ្ឋានរដ្ឋបាល ក្រសួងមហាផ្ទៃ។