ការិយាល័យ​ច្រក​ចេញ​ចូល​តែមួយ

123

អំពីការិយាល័យច្រកចេញចូលតែមួយ

ដើម្បីរួមចំណែកអនុវត្ត​​កម្មវិធីកំណែ​​​​ទម្រង់​​វិមជ្ឈការ​​​​​​និងវិសហមជ្ឈការ រាជរដ្ឋាភិបាល​កម្ពុជា តាមរយៈ​ក្រសួង​មហាផ្ទៃ ​បាន​បង្កើត​ការិយាល័យ​ច្រកចេញចូល​តែមួយ និងការិយាល័យប្រជាពលរដ្ឋ នៅតាម​រដ្ឋបាល​​ក្រុង ស្រុក ខណ្ឌគោលដៅ ក្នុងគោលបំណងលើកកម្ពស់គុណភាពការ​ផ្តល់សេវារដ្ឋបាលជូន​ប្រជា​ពលរដ្ឋ ។ ការិយាល័យច្រកចេញចូលតែមួយគឺជា៖

  • កន្លែងផ្តល់សេវារដ្ឋបាលដែលប្រជាពលរដ្ឋត្រូវការចាំបាច់ឲ្យ​ទាន់​ពេល​វេលា និងតាមនីតិវិធីសាមញ្ញ
  • កន្លែង​ប្រមូល​ផ្តុំ​សេវា​កម្ម និងនីតិវិធីរដ្ឋបាលមួយចំនួននៅកន្លែងតែមួយ
  • កន្លែង​​អតិថិជន​មក​ទទួល​ទម្រង់​បែបបបទ និងទទួល​ព័ត៌មាន​​គ្រប់គ្រាន់ ច្បាស់លាស់​ពីការផ្តល់សេវារដ្ឋបាលផ្សេងៗ និងការបង់ថ្លៃសេវារដ្ឋបាល
  • កន្លែងផ្តល់លទ្ធផល​សំរេចជាផ្លូវការលើសេចក្តីស្នើសុំជូនដល់អតិថិជនវិញ។
  • ការិយាល័យនេះរួមមាន ផ្នែកជួរមុខ សម្រាប់ផ្តល់ព័ត៌មាន ទទួល និងប្រគល់ឯកសារ និង ផ្នែកជួរក្រោយ ដែលរួមមាន​មន្ត្រី ជំនាញ ដែលបញ្ជូនមកពីមន្ទីរ ស្ថាប័នពាក់ព័ន្ធតាមវិស័យនានា​ដែល​បានធ្វើប្រតិភូកម្មមកឲ្យរដ្ឋបាលក្រុង ស្រុក ខណ្ឌ ដើម្បីមកបំពេញការងារនៅការិយាល័យច្រកចេញចូលតែមួយ ។​

ការិយាល័យច្រកចេញចូលតែមួយលើកកម្ពស់គុណភាពសេវាសាធារណៈ

ការិយាល័យ​ច្រកចេញ​ចូលតែមួយ ជា​កន្លែង​ប្រមូល​ផ្តុំសេវារដ្ឋបាល ដែលជា​តម្រូវ​ការចាំបាច់​​របស់​ប្រជាពលរដ្ឋ។ មន្ត្រី​ដែល​បំរើ​ការងារ​នៅ​​ការិយាល័យ​​ច្រកចេញ​ចូល​​តែមួយ ពេញ​ចិត្ត​នឹង​ផ្តល់​សេវាទាំង​​នោះ​​​ជូន​​ប្រជាពលរដ្ឋ ប្រកបដោយទឹក​ចិត្ត​សប្បាយ រីករាយ រួសរាយ រាក់ទាក់ និង​​មាន​​អាកប្បកិរិយា​​សុភាព​រាបសារ មិន​​ប្រព្រឹត្តិ​​អំពើ​ពុករលួយ ឬ​ស៊ី​សំណូក​ឡើយ។ ដើម្បីធានានូវតម្លាភាព តារាងតម្លៃសេវាត្រូវបានផ្សព្វផ្សាយជាសាធារណៈ និង​បិតបង្ហាញតាមជញ្ជាំង​ការិយាល័យច្រកចេញចូលតែមួយ។

ការិយាល័យច្រកចេញចូលតែមួយបង្កើនប្រសិទ្ធភាពនៃការផ្តល់សេវា

សេវា​សាធារណៈ​នឹង​មិន​មាន​លក្ខណៈ​ការិយាធិបតេយ្យ មាន​​ប្រសិទ្ធភាព​​​កាន់​​តែ​​ប្រសើរ​ឡើង ងាយ​ស្រួល រហ័ស​ទាន់ចិត្ត អាច​ជឿ​​ទុក​ចិត្ត​បាន​តាម​រយៈ​ការអនុវត្ត​​យន្តការ​រួមគ្នា​មួយ​គឺ ការិយា​ល័យ​ចេញចេញចូល​តែមួយ ។ កាល​ពី​មុន​ប្រជាពលរដ្ឋ​​ចង់ស្នើសុំ​សេវាកម្ម​អ្វីមួយ​​ដែល​​មាន​ការ​ពាក់ព័ន្ធ​ទៅ​នឹង​សមត្ថកិច្ច​ច្រើន គឺ​ពួក​គាត់​ត្រូវ​ទៅ​​ទំនាក់​ទំនងផ្ទាល់​ជា​មួយ​សមត្ថកិច្ច​ច្រើន​កន្លែង ប៉ុន្តែ​ពេល​នេះ​ពួកគាត់​ គ្រាន់​តែ​មក​​ស្នើសុំ​​សេវាកម្ម​ទាំង​នេះ​ នៅ​ការិយាល័យ​ច្រកចេញ​ចូល​​តែ​មួយ​​​ជា​ការ​​ស្រេច​​។​ ​រាល់​ទម្រង់​បែបបទ និង​លិខិត​ផ្សេងៗ​សម្រាប់ផ្តល់​ជូន​​ប្រជាពលរដ្ឋ​ដើម្បី​បំពេញ ត្រូវ​បាន​រៀបចំ​ឲ្យ​មាន​លក្ខណៈសាមញ្ញ ខ្លី ច្បាស់លាស់ និង​ងាយយល់ ។

ការិយាល័យច្រកចេញចូលតែមួយបច្ចុប្បន្ន មានក្រសួងចំនួន១១បានធ្វើប្រតិភូកម្មមុខងារក្នុងការផ្តល់សេវា​រដ្ឋបាលមកឲ្យក្រុង ស្រុក ខណ្ឌ រួមមាន ​ក្រសួង​ទេសចរណ៍ ក្រសួងដែនដី នគរូបនីយកម្ម និងសំណង់ ក្រសួងពាណិជ្ជកម្ម ក្រសួងវប្បធម៌ និងវិចិត្រសិល្បៈ ក្រសួង​ឧស្សាហកម្ម និងសិប្បកម្ម ក្រសួងរ៉ែ និងថាមពល ក្រសួងសាធារណការ​ និងដឹកជញ្ជូន ក្រសួងកសិកម្ម រុក្ខាប្រមាញ់ និងនេសាទ ក្រសួងសុខាភិបាល ក្រសួងអប់រំ យុវជន​និងកីឡា និងក្រសួងមហាផ្ទៃ។

DSC03918

អំពីការិយាល័យប្រជាពលរដ្ឋ

ដើម្បីលើកកម្ពស់អភិបាលកិច្ចល្អនៅតាមក្រុង ស្រុក ខណ្ឌ ដែលមានការិយាល័យច្រកចេញចូលតែ​មួយ     ​​​     រាជរដ្ឋាភិបាលបានបង្កើតឲ្យមានការិយាល័យប្រជាពលរដ្ឋ ដែលមានសមត្ថកិច្ចទទួលពាក្យបណ្តឹងតវ៉ា និងផ្តល់ព័ត៌មានជូនប្រជាពលរដ្ឋ ក្រុមហ៊ុនសហគ្រាស និងអង្គការសង្គមស៊ីវិល ក្នុងករណីមានភាពមិនប្រក្រតី ឬកំហុសឆ្គងរបស់បុគ្គលិកដែលបម្រើការងារក្នុងរដ្ឋបាលក្រុង ស្រុក ខណ្ឌទាំងនោះ។ ការិយាល័យនេះ ​ស្ថិតនៅក្នុង​រចនាសម្ព័ន្ធ​ក្រុង ស្រុក ខណ្ឌ ប៉ុន្តែ​ជា​ការិយាល័យ​ដាច់ដោយឡែក​មួយ ដែល​មិន​ស្ថិតនៅក្រោម​ការបង្គាប់បញ្ជា​របស់​រដ្ឋបាល​ក្រុង ស្រុក ខណ្ឌ និង​ធ្វើ​សកម្មភាព​ដោយ​អ​ព្យា​ក្រិត។​ គោលបំណងសំខាន់ៗនៃការបង្កើតការិយាល័យនេះរួមមាន៖

  • ធ្វើឲ្យរដ្ឋបាលកាន់តែមានប្រសិទ្ធភាព​ តម្លាភាព គណនេយ្យភាព កាត់បន្ថយអំពើពុករលួយ បង្កើនភាព ពេញចិត្ត និងទំនុកចិត្តរបស់ប្រជាពលរដ្ឋចំពោះរដ្ឋបាលក្រុង ស្រុក ខណ្ឌ
  • បង្កើនចូលរួម និងផ្តល់ឱកាសជូនប្រជាពលរដ្ឋបញ្ចេញមតិយោបល់ជាមួយរដ្ឋបាលក្រុង ស្រុក ខណ្ឌ
  • ធ្វើឲ្យប្រជាពលរដ្ឋទទួលបាននូវអ្នកសម្រុះសម្រួលអព្យាក្រឹតមួយ ដែលជួយពួកគាត់ក្នុងការដោះស្រាយ​វិវាទទល់នឹងរដ្ឋបាលក្រុង ស្រុក ខណ្ឌ

ការិយាល័យប្រជាពលរដ្ឋដឹកនាំដោយប្រធានការិយាល័យមួយរូបហៅថា ប្រធានការិយាល័យប្រជាពលរដ្ឋ ដែលជាជាតំណាងអព្យាក្រឹតរបស់ប្រជាពលរដ្ឋ និងត្រូវបានជ្រើសរើសដោយការ​បោះឆ្នោត។

មកទល់ពេលនេះ រាជរដ្ឋាភិបាលកម្ពុជា តាមរយៈក្រសួងមហាផ្ទៃ បានបង្កើត និងដាក់ឲ្យដំណើរការជាផ្លូវការនូវ​ ការិយាល័យច្រកចេញចូលតែមួយ និង​ការិយាល័យប្រជាពលរដ្ឋនៅក្នុង​ក្រុង ស្រុក ខណ្ឌ​គោលដៅ​បាន​ចំនួន៣៦ក្រុង ស្រុក ខណ្ឌ​គោលដៅ​រួចហើយ។

ការិយាល័យច្រកចេញចូលតែមួយ និងការិយាល័យប្រជាពលរដ្ឋ គឺជា​លទ្ធផល​​ដ៏ជាក់លាក់​មួយ ក្នុងការ​ជម្រុញ​ឲ្យមាន​ការផ្ទេរ​​មុខងារ​​ និងធនធានដល់​ថ្នាក់ក្រុង ស្រុក ខណ្ឌ ដើម្បីផ្ដល់​សេវា​ជូនដល់​ប្រជាពល​រដ្ឋ ប្រកបដោយ​គុណភាព ប្រសិទ្ធភាព តម្លាភាព និងឆ្លើយតបតាមតម្រូវការ​របស់ប្រជាពលរដ្ឋ

ព្រឹត្តិការណ៍​ថ្មីៗ
​កិច្ច​ប្រជុំ​​ពិគ្រោះ​​យោបល់​​ស្ដី​ពី​​វឌ្ឍនភាព​ បញ្ហា​ប្រឈម​ និង​​សំណូម​ពរ​​របស់​​ក្រុម​ប្រឹក្សា​​រដ្ឋបាល​​ថ្នាក់​ក្រោម​​ជាតិ​

រាជធានី​ភ្នំពេញ៖ ​នា​​ព្រឹក​​ថ្ងៃ​​អង្គារ​ ១៣រោច​ ខែមាឃ​ ឆ្នាំរកា ​នព្វស័ក​ ព.ស ២៥៦១​ ត្រូវ​​នឹង​​ថ្ងៃ​ទី១៣​ ខែកុម្ភៈ​ ឆ្នាំ​២០១៨​ នៅ​​សាល​ប្រជុំ​​សណ្ឋាគារ​​សុខា​ភ្នំពេញ​…..

អាន​លម្អិត »

កិច្ចប្រជុំ​ពិគ្រោះ​លើ​សេចក្តី​ព្រាង​សៀវភៅ​ណែនាំ​អំពី​ការ​រៀបចំ ​និង​នីតិ​វិធី​នៃ​ការ​ផ្តល់​សេវា​រដ្ឋបាល​របស់​អង្គភាព​ច្រក​ចេញ​ចូល​តែ​មួយ​រាជធានី​ ខេត្ត​…

នា​រសៀល​​ថ្ងៃ​ទី២៨​ ខែធ្នូ​ ឆ្នាំ២០១៨៖​ នៅ​​សាលប្រជុំ​​លេខាធិការដ្ឋាន​ គ.ជ.អ.ប ​មាន​ការ​​រៀបចំ​​កិច្ច​ប្រជុំ​​ពិគ្រោះ​​លើ​​សេចក្តី​ព្រាង​​សៀវភៅ​ណែនាំ​​អំពី​​ការ​រៀបចំ​និង​នីតិ​វិធី​នៃ​ការ​ផ្តល់​សេវា​រដ្ឋបាល​

អាន​លម្អិត »

កិច្ច​ប្រជុំ​​ពិគ្រោះ​​យោបល់​​អំពី​​នី​តិ​វិធី​​នៃ​​ការទទួល ​និង​​ការ​សម្រុះ​សម្រួល​​ដោះស្រាយ​​បណ្តឹង​​នៅ​​រដ្ឋបាល​​ថ្នាក់​ក្រោម​​ជាតិ​…

នា​ព្រឹក​​ថ្ងៃទី១៩​ ខែធ្នូ ​ឆ្នាំ២០១៧៖​ នាយកដ្ឋាន​​មុខងារ ​និង​​ធនធាន ​សហការ​​ជាមួយ​​អង្គការ​​ខុន​រ៉ាត់​​អាឌិន​ណៅអ៊ែរ​ បាន​រៀបចំ​​កិច្ច​ប្រជុំ​​ពិគ្រោះ​​យោបល់​​អំពី​​នីតិវិធី​​នៃ​​ការទទួល​ និង​​ការ​សម្រុះ​សម្រួល​​ដោះស្រាយ​​បណ្តឹង​

អាន​លម្អិត »

យុទ្ធនា​ការ​​ផ្សព្វផ្សាយ​​ព័ត៌មាន​​អំពី​​ការ​ផ្តល់​សេវា​​រដ្ឋបាល​​នៅ​​ការិយាល័យ​​ច្រក​ចេញ​ចូល​​តែ​មួយ​ និង​​ការិយាល័យ​​ប្រជា​ពលរដ្ឋ

ខណ្ឌ​​ច្បារអំពៅ៖​ នា​​ថ្ងៃ​ទី​១៨ ​ខែ​ធ្នូ​ ឆ្នាំ២០១៧​ សាលា​ខណ្ឌ​​ច្បារ​អំពៅ​​បាន​រៀប​ចំ​​យុទ្ធនា​ការ​​ផ្សព្វផ្សាយ​​ព័ត៌មាន​​អំពី​​ការ​ផ្តល់​សេវា​​រដ្ឋបាល​​នៅ​​ការិយាល័យ​​ច្រក​ចេញ​ចូល​​តែ​មួយ​ និង​​ការិយាល័យ​​ប្រជា​ពលរដ្ឋ…..

អាន​លម្អិត »

ពិធី​បិទ​សិក្ខា​សាលា​បូក​សរុប​លទ្ធផល​នៃ​ការ​អនុវត្ត​ការងារ​ការិយាល័យ​ច្រក​ចេញ​ចូល​តែ​មួយ និង​ការិយាល័យ​ប្រជាពលរដ្ឋ​

ឯក​ឧត្តម ​ចាន់ សុធា​ អគ្គនាយរង​នៃ​អគ្គនាយកដ្ឋានរដ្ឋបាល​ និង​ជា​អនុប្រធាន​លេខាធិការដ្ឋាន​ គ.ជ.អ.ប ​បាន​អញ្ជើញ​ចូល​រួម​ជា​អធិបតី​ក្នុង​ពិធី​បិទ​សិក្ខា​សាលា​បូក​សរុប​លទ្ធផល​……

អាន​លម្អិត »

ពិធី​បើក​សិក្ខា​សាលា​បូក​សរុប​លទ្ធផល​នៃ​ការ​អនុវត្ត​ការងារ​ការិយាល័យ​ច្រក​ចេញ​ចូល​តែ​មួយ និង​ការិយាល័យ​ប្រជា​ពលរដ្ឋ​ប្រចាំ​ឆ្នាំ​២០១៧​…..

នា​​ព្រឹក​​ថ្ងៃទី១៤ ​ខែធ្នូ​ ឆ្នាំ២០១៧:​ នាយកដ្ឋាន​មុខងារ​ និង​​ធនធាន​​នៃ​​អគ្គនាយកដ្ឋាន​​រដ្ឋបាល​ ក្រសួង​មហាផ្ទៃ​​បាន​រៀប​ចំ​​ពិធី​​បើក​​សិក្ខា​សាលា​​បូក​សរុប​​លទ្ធផល​….

អាន​លម្អិត »

វគ្គបណ្តុះបណ្តាលស្តីពីតួនាទី ភារកិច្ច និងរបៀបរបបធ្វើការងាររបស់ការិយាល័យច្រកចេញចូលតែមួយ និងការិយាល័យប្រជាពលរដ្ឋ

ក្រុងបាត់ដំបង ថ្ងៃទី ៣០ ខែតុលា ឆ្នាំ២០១៧៖ វគ្គបណ្តុះបណ្តាលស្តីពីតួនាទី ភារកិច្ច និងរបៀបរបបធ្វើការងាររ

អាន​លម្អិត »

ខេត្តកណ្តាល​ កិច្ចប្រជុំ​ជ្រើសរើស​ស្រុកគោលដៅ​ថ្មីសម្រាប់​បង្កើត​ការិយាល័យ​ច្រកចេញចូលតែ​មួយ​​ឆ្នាំ២០១៨

នារសៀលថ្ងៃទី០២ ខែតុលា ឆ្នាំ២០១៧៖ ក្រុមការងារនៃនាយកដ្ឋានមុខងារ និងធនធាននៃអគ្គនាយកដ្ឋាន …

អាន​លម្អិត »

ក្រសួង​មហាផ្ទៃ​ផ្សព្វផ្សាយ​ដាក់​ឱ្យ​អនុវត្ត​អនុក្រឹត្យ និង​លិខិត​បទដ្ឋាន ស្តីពី​ការ​បង្កើត​យន្តការ​ច្រកចេញ​ចូលតែមួយ និង​ការិយាល័យប្រជាពលរដ្ឋ​នៅរដ្ឋបាលថ្នាក់​ក្រោមជាតិ

ដោយទទួលបានគោលការណ៍…

អាន​លម្អិត »

សិក្ខាសាលា​ស្តីពីការ​ផ្សព្វផ្សាយ​លិខិតបទដ្ឋាន​គតិយុត្ត​ពាក់ព័ន្ធ​នឹងការ​អនុវត្ត​មុខងារ​គ្រប់គ្រង​សំរាម​ សំណល់រឹងទីប្រជុំជន

ភ្នំពេញ៖ សិក្ខាសាលាស្តីពីការផ្សព្វផ្សាយលិខិតបទដ្ឋានគតិយុត្តពាក់ព័ន្ធនឹងការអនុវត្តមុខងារគ្រប់គ្រងសំរាម…

អាន​លម្អិត »

ឯកសារ​ថ្មីៗ
  • ២០១៧-អនុក្រឹត្យស្តីពីការបង្កើតការិយាល័យប្រជាពលរដ្ឋនៅរដ្ឋបាលថ្នាក់ក្រោមជាតិ
  • ២០១៧-អនុក្រឹត្យស្តីពីការបង្កើតយន្តការច្រកចេញចូលតែមួយ សម្រាប់ការផ្តល់សេវារដ្ឋបាលនៅរដ្ឋបាលថ្នាក់ក្រោមជាតិ
  • ២០១៧- ប្រកាសអន្តរក្រសួង លេខ ១៤៣៤២ ប្រក ស្តីពី ការផ្តល់សេវារដ្ឋបាលរបស់រដ្ឋបាលថ្នាក់ក្រោមជាតិ
  • ២០១៧- ប្រកាសអន្តរក្រសួងលេខ ១៤៣៤៣ ប្រក ស្តីពី ការផ្តល់ថវិការង្វាន់លើការគ្រប់គ្រង និងការប្រមួលចំណូលពីកម្រៃសេវារដ្ឋបាលរបស់រដ្ឋបាលថ្នាក់ក្រោមជាតិ
  • របាយការណ៍ឆមាសទី០១-ឆ្នាំ២០១៦
  • របាយការណ៏វឌ្ឍនភាពប្រចាំឆ្នាំ២០១៥
  • តួនាទី ភារកិច្ច និងរបៀបរបបធ្វើការងាររបស់ការិយាល័យប្រជាពលរដ្ឋ
  • ការប្រមូល និងការកត់ត្រាបណ្ដឹង
  • ផែនការសកម្មភាព
  • នីតិវិធី នៃការបោះឆ្នោតជ្រើសរើស ប្រធានការិយាល័យប្រជាពលរដ្ឋ
  • អាន​លម្អិត »